Um okkur

Hjá okkur finnur þú eitt mesta úrval landsins af rafmagnsverkfærum, handverkfærum, iðnaðarvörum, vinnufatnaði og öryggisbúnaði, afgreitt af fólki sem þekkir vöruna og með stærsta dreifingaraðila iðnaðarvara í Evrópu að baki.
Við erum viðurkenndur dreifingaraðili Milwaukee á Íslandi. Í verslun okkar í Síðumúla 9 er eitt mesta úrval Milwaukee-verkfæra og aukahluta á einum stað á Norðurlöndum, yfir 3.000 vörur úr M18-, M12- og MX FUEL-kerfunum. Auk Milwaukee flytjum við inn og seljum vörur frá Ryobi, Hultafors, Wera, Gedore, Knipex, Yato, Telwin, Fini, Petrollo, SKF, Vitillo, HH Workwear og fleiri framleiðendum.

Verslanir.
Við rekum fjórar verslanir: í Síðumúla 9 í Reykjavík, Dalvegi 32a í Kópavogi, Óseyri 4 á Akureyri og Fitjabraut 2 í Reykjanesbæ.

Verkstæði.
Í Síðumúla 11 rekum við verkstæði þar sem við gerum við og þjónustum verkfærin og tækin sem við seljum.

Rubix, evrópskt bakland.
Rubix er stærsti dreifingaraðili iðnaðarvara og viðhaldslausna (MRO) í Evrópu, með yfir 750 starfsstöðvar í 24 löndum, yfir 220.000 viðskiptavini og meira en 2 milljónir vörunúmera. Samstæðan varð til árið 2017 við samruna IPH Group og Brammer Group og starfar í dag undir einu nafni – Rubix.
Á Íslandi ná ræturnar aftur til ársins 2007, þegar starfsemin hófst undir merkjum Brammer, og árið 2010 var Brammer Ísland ehf. stofnað. Í dag starfa um 70 manns hjá Rubix á Íslandi, fjölbreyttur hópur sérfræðinga, hver á sínu sviði. Höfuðstöðvarnar eru að Dalvegi 32a í Kópavogi, þar sem verslun, skrifstofa og vöruhús þjóna allri starfseminni á landinu. Á Reyðarfirði rekum við auk þess starfsstöð sem þjónustar Alcoa Fjarðaál með sérsniðinni vöruhúsa- og aðfangaþjónustu fyrir varahluti og rekstrarvörur.
Á Dalvegi er meira en verslun. Þar er einnig verkstæði þar sem við smíðum vökva- og loftslöngur frá Vitillo eftir máli. Þetta er það sem evrópskt bakland þýðir í reynd, aðgangur að vörum sem ekki eru til á lager hérlendis, styttri afhendingartími á sérpöntunum og samningsbundið rekstraröryggi fyrir stærri viðskiptavini.
Árið 2022 varð Verkfærasalan hluti af Rubix-samstæðunni. Þjónustan sem þú þekkir breytist ekki, sama fólkið, sömu verslanirnar, sama verkstæðið. En að baki henni stendur nú:

Breiðara úrval. Aðgangur að evrópsku vörusafni Rubix þegar varan er ekki til hér heima.

Aðfangastýring fyrir fyrirtæki.
Við tökum að okkur birgðahald, sérpantanir og fastan varahlutalager – og bjóðum iðnaðarsjálfsala (Invend) og starfsstöð innan þíns fyrirtækis (Insite) svo vélarnar stoppi ekki.

Reikningsviðskipti og fyrirtækjaþjónusta.
Við bjóðum uppá reikningsviðskipti fyrir fyrirtæki, afsláttarkjör og sölumenn með sérþekkingu á verkfærum, vinnufötum, legum, dælum, glussaslöngum, sjávarútvegi og framleiðslu.
Hægt er að sækja reikningsviðskipti neðst á síðunni.

Markmið okkar.
Að vera fyrsti kostur íslenskra fyrirtækja og fagfólks í verkfærum, iðnaðarvörum, vinnufatnaði og öryggisbúnaði, sem einfalda rekstur og aðfangastýringu, vörum sem endast og þjónustu sem stendur undir nafni.
Við störfum eftir gildum Rubix-samstæðunnar: við erum heiðarleg, tökum ábyrgð og framkvæmum, erum forvitin, gefumst ekki upp og fögnum fjölbreyttum viðhorfum.